Maak jou so leeg as wat jy kan.
Hou vas aan diep stilte.
Die tienduisend dinge kom almal op,
en ek kyk hoe hulle terugkeer.

Alles groei en bloei,
en elkeen keer terug na sy wortel.
Terugkeer na die wortel heet stilte.
Stilte heet terugkeer na jou bestemming.
Terugkeer na jou bestemming heet die ewige.
Wie die ewige ken, is helder.
Wie die ewige nie ken nie, doen roekelose dinge en kry ongeluk.

Wie die ewige ken, het plek vir alles.
Wie plek vir alles het, is regverdig.
Wie regverdig is, is koninklik.
Wie koninklik is, is soos die hemel.
Wie soos die hemel is, is soos die Weg.
Wie soos die Weg is, duur voort,
en al sterf die lyf, is daar geen gevaar nie.