Daar was iets ongevorm en volledig,
nog voor hemel en aarde ontstaan het.
Stil! Leeg!
Dit staan alleen en verander nie.
Dit gaan oral heen en raak nooit moeg nie.
Dit kan die moeder van die wêreld genoem word.

Ek ken nie sy naam nie.
Ek noem dit maar die Weg.
As ek dit 'n naam moet gee, noem ek dit Groot.
Groot beteken: dit gaan voort.
Voortgaan beteken: dit gaan ver.
Ver beteken: dit keer terug.

Dus is die Weg groot,
die hemel is groot,
die aarde is groot,
en die koning is ook groot.
Daar is vier grotes in die wêreld,
en die koning is een van hulle.

Die mens volg die aarde.
Die aarde volg die hemel.
Die hemel volg die Weg.
Die Weg volg wat vanself is.