Wie die wêreld wil vat en daaraan wil verander —
ek sien nie hoe hy dit kan regkry nie.
Die wêreld is 'n heilige houer;
daaraan kan jy nie peuter nie.
Wie daaraan peuter, bederf dit.
Wie daaraan vasklou, verloor dit.

Want van die dinge loop sommige voor, en sommige volg;
sommige asem saggies, sommige blaas hard;
sommige is sterk, sommige swak;
sommige staan, sommige val.

Daarom vermy die wyse die uiterste,
die oordaad,
en die grootdoenerigheid.