Die wêreld het 'n begin,
en dit is die moeder van die wêreld.
As jy die moeder ken, ken jy ook die kinders.
As jy die kinders ken en weer aan die moeder vashou,
is daar jou lewe lank geen gevaar nie.

Hou jou mond toe, maak jou deure toe,
en jou lewe lank sal jy nie uitgeput raak nie.
Maak jou mond oop, raak besig met allerhande sake,
en jou lewe lank sal niks jou red nie.

Om die klein dingetjies raak te sien, heet helderheid.
Om aan sagtheid vas te hou, heet sterkte.
Gebruik die lig,
en keer terug na die helderheid.
Dan bring jy geen onheil oor jouself nie.
Dit heet om in die ewige te leef.