Wie weet, praat nie.
Wie praat, weet nie.

Hou jou mond toe,
maak jou deure toe,
maak skerp punte stomp,
ontwar die knope,
temper die glans,
word een met die stof.
Dit heet die diep eenheid.

Wie dit bereik het, kan jy nie naby kom nie,
en ook nie wegstoot nie.
Jy kan hom nie bevoordeel nie,
en ook nie benadeel nie.
Jy kan hom nie eer nie,
en ook nie verneder nie.
Daarom is hy die kosbaarste in die wêreld.