As die regering rustig en onopvallend is,
is die mense eenvoudig en eerlik.
As die regering streng en bemoeisiek is,
is die mense ontevrede en slinks.

Ongeluk is waarop geluk leun.
Geluk is waaronder ongeluk skuil.
Wie weet waar dit eindig?
Daar is geen vaste reël nie.
Wat reg is, word weer verkeerd.
Wat goed is, word weer sleg.
Die mense is al lank deurmekaar.

Daarom is die wyse reguit, maar sny niemand nie;
skerp, maar maak niemand seer nie;
eerlik, maar nie roekeloos nie;
helder, maar verblind niemand nie.