Die wyses van ouds wat die Weg gevolg het,
het nie probeer om die mense slim te maak nie,
maar om hulle eenvoudig te hou.

Mense is moeilik om te lei
as hulle te veel slimmighede het.
Wie 'n land met slimmighede lei, is 'n dief van die land.
Wie 'n land sonder slimmighede lei, is 'n seën vir die land.

Wie hierdie twee ken, het 'n maatstaf.
Om altyd hierdie maatstaf te ken,
heet die diep deug.
Die diep deug is diep en ver.
Dit keer saam met die dinge terug,
totdat alles in groot harmonie kom.