Hoekom kan die riviere en die see koning van honderd valleie wees?
Omdat hulle laer lê as die valleie.
Daarom is hulle koning van honderd valleie.

Wie bo die mense wil staan,
moet hom in sy woorde onder hulle stel.
Wie die mense wil lei,
moet homself agter hulle stel.

Daarom staan die wyse bo, en die mense voel hom nie as 'n las nie.
Hy staan voor, en die mense voel nie bedreig nie.
Die hele wêreld steun hom graag en word nie moeg vir hom nie.

Omdat hy nie stry nie,
kan niemand in die wêreld met hom stry nie.