Die weg van die hemel is soos die span van 'n boog:
wat hoog is, word afgedruk;
wat laag is, word opgelig;
wat te veel is, word verminder;
wat te min is, word aangevul.

Die weg van die hemel neem van wie te veel het
en gee aan wie te min het.
Die weg van die mens is anders:
dit neem van wie te min het
en gee aan wie reeds te veel het.

Wie kan van sy oorvloed aan die wêreld gee?
Net wie die Weg het.
Daarom werk die wyse, maar steun nie daarop nie.
Hy voltooi sy werk, maar bly nie daarby staan nie.
Hy wil nie sy goedheid ten toon stel nie.