Niks in die wêreld is sagter en swakker as water nie,
en tog is daar niks beter om die harde en sterke aan te val nie.
Niks kan dit vervang nie.

Dat die swakke die sterke oorwin,
en die sagte die harde,
weet almal in die wêreld,
maar niemand doen dit nie.

Daarom sê die wyse:
Wie die vuilgoed van die land op hom neem,
is die ware heer van die land.
Wie die ongeluk van die land op hom neem,
is die ware koning van die wêreld.

Ware woorde klink verkeerd om.