'n Klein land met min mense.
Al het hulle gereedskap wat die werk van tien of honderd mense doen,
gebruik hulle dit nie.
Die mense neem die dood ernstig op
en trek nie ver weg nie.
Al het hulle bote en waens,
ry niemand daarmee nie.
Al het hulle wapens en wapenrusting,
stal niemand dit uit nie.
Laat die mense weer knope in toue maak om dinge te onthou.

Hulle kos smaak lekker,
hulle klere is mooi,
hulle huise is rustig,
hulle geniet hul gewoontes.

Die buurland is so naby dat hulle mekaar kan sien,
en hulle kan mekaar se hoenders en honde hoor,
en tog word die mense oud en sterf
sonder dat hulle ooit by mekaar gaan kuier.