Ware woorde is nie mooi nie.
Mooi woorde is nie waar nie.
'n Goeie mens stry nie.
Wie stry, is nie goed nie.
Wie werklik weet, weet nie van alles nie.
Wie van alles weet, weet nie werklik nie.

Die wyse gaar nie op nie.
Hoe meer hy vir ander doen, hoe meer het hy self.
Hoe meer hy aan ander gee, hoe ryker word hy.

Die weg van die hemel is om te help en nie skade te doen nie.
Die weg van die wyse is om te werk en nie te stry nie.