Marko van der Collf is op 26 Desember 1946 gebore en het in Oranjezicht, Kaapstad grootgeword. Hy matrikuleer aan die Hoërskool Jan van Riebeeck en studeer later drama aan die Universiteit van Kaapstad.
Hy het in 1972 as professionele akteur by die Transvaalse Raad vir die Uitvoerende Kunste (Truk) aangesluit, en het ook by die ander streeksrade (Sukovs en Kruik) gewerk. Hy was ook lank aan die SAUK verbonde.
Van der Collf het in ’n wye verskeidenheid rolprente en TV-reekse gespeel, waaronder Arende, Vallei van sluiers, Lui maar op Belinda, Nêrens Nood-Kaap, Herfsland, Goodbye Bafana, Transito en Die windpomp. Hy het ook ’n menigte stem- en radiowerk gedoen.
Sy debuutroman, Dieper as drome, is in 2023 gepubliseer en handel oor ’n onstuimige en opwindende tyd in die Suid-Afrikaanse geskiedenis.
Hy sterf enkele dae voor sy 79ste verjaarsdag, op 20 Desember 2025.
<p>Naledi, as ’n onafhanklike Suid-Afrikaanse boekuitgewer wat met sorg, moed en visie stories die lig laat sien wat andersins dalk stil sou bly. Die naam “Naledi” – wat in verskeie Suid-Afrikaanse tale “ster” beteken – is gepas: dié uitgewer is daarop gerig om nuwe stemme te laat skitter en geve...
Die roman volg Adriaan van der Colff, ’n sjirurg wat ’n handelsreis na Batavia onderneem om te ontvlug van ’n mislukte huwelik en Europa wat in oorlog gewikkel is.
Sy reis word onderbreek wanneer sy skip in Desember 1805 by die Kaapkolonie aankom – op die vooraand van die Britse oorname.
Aan die Kaap word Adriaan gekonfronteer met politieke spanning, morele teenstrydighede en die sosiale werklikhede van die koloniale lewe, insluitend slawerny en magsverskuiwing.
Die faraoblom is die simbool van nuwe lewe wat in die Kaap blom, ondanks verskeie faktore en uitdagings.
Teen hierdie historiese agtergrond ondersoek die roman temas soos verlies en die soeke na ’n tuiste deur vlugtelinge en ander ontheemdes.
Wanneer die verhaal eindig, bly Adriaan se toekoms onseker – vasgevang tussen historiese kragte groter as hyself en die moontlikheid van ’n nuwe koers.
