<p>Naledi, as ’n onafhanklike Suid-Afrikaanse boekuitgewer wat met sorg, moed en visie stories die lig laat sien wat andersins dalk stil sou bly. Die naam “Naledi” – wat in verskeie Suid-Afrikaanse tale “ster” beteken – is gepas: dié uitgewer is daarop gerig om nuwe stemme te laat skitter en geve...
Hallo, Ma is ʼn verwerking van ʼn reeks rubrieke deur Chrisna Beuke-Muir wat die afgelope elf jaar in die Republikein se Ons Taal-rubriek verskyn het.
In die 84 briewe gesels sy met haar oorlede ma oor haar ervarings as letterkundedosent, dikwels in kombinasie met die Nederlandse literatuur, haar ervarings op die verhoog, en hoe Afrikaans ingewortel bly in Namibië, ’n land waar Engels die enigste amptelike taal is.
In die afsluiting van die briewe word die leser gekonfronteer met die skrywer se onsekerheid oor die Ander Dimensie waar haar ma haar nou bevind, waar daar nie meer soos deur ’n spieël in ’n raaisel nie, maar van aangesig tot aangesig gesien word.
Van die briewe laat jou skaterlag – soos die een oor haar Strandveld -pa se sê goed: “Siestog, daai ou het aankapknieë soos ’n kombuiskuiken”.
Ander is diep roerend oor die soms stormagtige verhouding met haar ma.
