LIGVOETS OP DONKER PAAIE: Oordenkings in moeilike tye – Wilhelm Burger Die Covid-19 pandemie het veroorsaak dat gemeentes nie meer eredienste kon hou nie. Om gemeentelede te bemoedig en te ondersteun, het Dr Wilhelm Burger begin om elke dag ’n boodskap op te stel en na alle lede van die Onrusgemeente te stuur via sosiale media en e-posse. Dit het ’n besondere band tussen gelowiges gevorm en het later uitgebrei na families en kinders oorsee. Elke oordenking is vergesel van ’n gepaste lied. Hierdie besondere toewyding en diens het veroorsaak dat hy versoek is om die daaglikse oordenkings voort te sit, selfs nadat byeenkomste weer moontlik was. Hierdie bundel bevat ’n versameling uit die meer as 550 dagstukke wat opgestel is oor ’n periode van 2½ jaar. *** Dr Clifford Heys: Aan die leser – Wilhelm vertel van die invloedryke denker, Augustinus, wat ʼn kinderstem gehoor het: “Neem, lees!”. Dit het gemaak dat Augustinus omgedraai het terug na Jesus toe. Ek beveel hierdie oordenkings aan. Neem, lees, want dit neem jou terug na Jesus. *** Wilhelm Burger is in 1956 in Pretoria gebore en het in ’n predikantshuis saam met 4 susters grootgeword. Hy studeer aan die Universiteit Stellenbosch en behaal die BA Admissiegraad in 1977, BTh aan die Kweekskool in 1980, Lisensiaat in Teologie in 1981, MTh in Kliniese Pastoraat in 1982 en die DTh in Praktiese Teologie in 1987. Hy is getroud met Alna Venter en het drie kinders en vyf kleinkinders. Hy is in 1987 in die NG gemeente Kenridge, Durbanville bevestig. Daarna skuif hy in 1993 na Caledon-Wes in die Overberg. Na vyftien jaar daar, aanvaar hy ’n beroep in 2008 na Onrusrivier. Hy emeriteer in Desember 2021 en is tans in ’n vaste-termynpos in Onrusrivier. *** NIE FIKSIE SAGTEBAND 213 mm x 137 mm 170 BLADSYE ISBN: 9781776172320