Woordenaars Woordenaars is die vergestalting van die baie bekende aanhaling van die Amerikaner Nancy H Kleinbaum (van Dead Poets Society-faam) wat lui: We don’t read and write poetry because it’s cute. We read and write poetry because we are members of the human race. And the human race is filled with passion. And medicine, law, business, engineering, these are noble pursuits and necessary to sustain life. But poetry, beauty, romance, love, these are what we stay alive for. In Woordenaars kom al die aspekte wat sy noem en waarvoor die mensdom veronderstel is om voor te leef, aan die bod. Die skoonheid van die natuur, mens en die wêreld waarin ons woon en romanse word hier verwoord. Maar ook die negatiewe magte wat die mens verhoed om voluit lief te hê, die natuurskoon in te adem, kortom om voluit te leef, word hier op verskeie maniere aangespreek. En die refrein wat bly eggo: Ons leef vir die Afrikaanse digkuns! “wanneer jy die moedertong in my mond laat verdor neem jy die wêreld weg verduister jy my geheue …” Uit: “die tongvervreemding” Breyten Breytenbach Dit is Woordenaars se strydkreet: Moenie ons Afrikaanse tonge stilmaak nie! *** Elias P. Nel is ’n bekroonde skrywer en kultuuraktivis. Onder sy publikasies tel drie bundels kortverhale (streeksletterkunde), ’n kinderboek en geestelike boek. Hy het ’n passie om beginnerskrywers te bemagtig en het reeds as voorsitter van die destydse Afrikaanse Skrywersvereniging ’n dig- en kortverhaalbundel saamgestel en as mede-samesteller met Willem Feansman ook ’n kortverhaalbundel vir die voormalige ASV die lig laat sien. Hierdie publikasie is ’n verdere bewys van sy strewe en ywer om beginnerskrywers te laat publiseer. *** DIGBUNDEL 213 x 137 mm 150 bladsye ISBN:978-1-77617-260-3